علوم شریعت کے طالب پر شرعا لازم ہے کہ علم عقیدہ کی تحصیل کو بقیہ علوم پر مقدم کرے اور ترجیحی بنیادوں پر اس علم میں رسوخ پیدا کرنے کی کوشش کرے۔ کثرت فتن اور عقیدہ کی اساسیات سے جہالت کے اس تاریک دور میں یہ واجب مزید تاکیدی ہو جاتا ہے۔

 انتہائی مراحل تعلیم میں عقائد کے ابواب و مسائل میں سے ہر باب اور مسئلہ کا الگ سے تفصیلا دراسہ کرے اور ہر باب سے متعلق عمدہ تصنیفات کو زیر مطالعہ رکھتے ان کی تلخیصات و فوائد کو مرتب کرے۔ عقائد سے متعلقہ مصادر و مراجع جمع کرے اور اپنا مکتبہ بنائے۔ امید ہے جو طالب اس طریقہ کار پر چلے گا اور ان اصول، نصائح و توجیہات کی رعایت کرے گا ضرور مہارت حاصل کر سکے گا۔