’’اور کہیں گے کہ اے ہمارے رب! ہم نے اپنے سرداروں اور اپنے بڑوں کی مانی جنہوں نے ہمیں راہ راست سے بھٹکا دیا۔‘‘ (الأحزاب : ٦٧) علماء نے ان آیات سے تقلید کے باطل ہونے پر دلیل لی ہے، اور ان آیات میں مذکور لوگوں کے کفر نے انہیں اس استدلال سے نہیں روکا کیوں کہ یہاں تشبیہ ایک کے کفر اور دوسرے کے ایمان سے نہیں، بلکہ دونوں طرح کے مقلدین کی بلا دلیل تقلید کو آپس میں تشبیہ دی گئی ہے کہ ایک شخص نے کسی شخص کی تقلید کی تو کفر کر بیٹھا اور دوسرے نے تقلید کی تو گناہ میں پڑ گیا اور تیسرے نے دنیاوی امر میں تقلید کی تو اس نے اس اعتبار سے خطا کھائی ۔ لہذا حقیقت میں تینوں ہی بلا دلیل تقلید کرنے کی وجہ سے قابل ملامت ٹھہرے ۔کیوں کہ ان تینوں کی تقلید ایک دوسرے کے مشابہ ہے اگرچہ ان کا گناہ مختلف ہے ۔ اور اللہ تعالی فرماتے ہیں : اللہ ایسا نہیں کرتا کہ کسی قوم کو ہدایت کرکے بعد میں گمراہ کردے جب تک کہ ان چیزوں کو صاف صاف نہ بتلا دے جن سے وہ بچیں ۔ (التوبہ : ١١٥)